اشتقت لك يا حبيبي طالت الغيبه
واخاف مع ذا البطا يا زين تنساني
صبري قضى زاد شوقي في لواهيبه
ومن عقب ذيك السعادة عشت باحزاني
دمعي على وجنتي بانت مضاريبه
وين أنت ياللّي خيالك ما تعداني
انت السعادة لقلبي وانت تعذيبه
لياك يا دنيتي تقسى وتجفاني
حبك مكانه بقلبي وانت تدريبه
ومسكنك داخل خفوقي طول الازماني
غيرك حبيبي من الخلان ماليبه
حتى ولو طال هجرك ما نبي ثاني
مقدّر ظروفك حبيبي دامها صعيبه
ولا بد ما نتلقي ما دمت تهواني
حظي تردّى معك مكتوب راضي به
ما شفت زولك ولو بالحلم ما جاني
بصبر وابرجى وصالٍ دوم تطري به
ما همني لو قضيت العمر وحداني
