من حق عينك تنام الليل ما تسهره
الله يديم الهنا لعيونك النايمه
ما بعثر الليل نوم العين ما بعثره
ولا حنت الروح في تال الدجى هايمه
وانا المجاديف مشقيها بحرك أبحره
تجديف وان ما رضيت أرد لك عايمه
نوب أتشره على جفنك ونوب أعذره
ونوب أتقدم له بعذرٍ وهو لايمه
الوقت ماني على لاماك مستخسره
هاك المعاليق «رو» عروقها الصايمه
زدها روى وامهالك بالوفاء مصخره
وعن حب غيرك لها مدة وهي شايمه
والحاجز اللي وقف ياتكسره يا أكسره
لا رحم حية ولا قامت له القايمه
وهاك المهاجر لانه عاد من مهجره
ولا عاد لك نوم صح النوم يا نايمه
