لا تعتذر ما باقيٍ عندي علوم
حتى القصيد اليوم عفته عشانك
لا تعتذر واللوم يبقى هو اللوم
يا شينها لا حب شخصٍ وخانك
خليتني ما بين جرحين وهموم
قالوا زمانك قلت يبقى زمانك
مدامني جسمٍ بلا روح بهدوم
حتى مكانك ما أشوفه مكانك
ويني ووين الفرح والسعد والنوم
وأنا اتحرى ضحكة من ثمانك
كلمة ترددها من العام لليوم
لسان لكن بالمعاند حصانك
وانا بقول اليوم كلمه من سلوم
لا صرت صاين له مع الوقت صانك
خذها من اللي عام بالصدر مكتوم
كانك تبي تفهم على العلم كانك
انا بحالي حالي وعلومي علوم
لكن بخلي كل شيٍ عشانك
