الهي يا العظيم منزل القرآن والانجيل
تعين اللي كبيرات المصايب زادت حموله
مصيبة شالها سلمان جعل الله يخف الشيل
يعينك سيدي رب البرايا واجرك تنوله
لبسنا كلنا حزنٍ سواده مثل لون الليل
عسى يجبر عزانا اللي جميع الناس لبوّله
نيابه عن جميع أهل الفروسية نظمت القيل
كتبته والأصايل يمتطيها الحزن وتقوله
نعزي نفسنا واهل الفروسية بفارس خيل
رحل والخيل تشهد في وفاه وشامخ فعوله
فروسية وطنا يوم تفقد فارس حلحيل
يحق لها تجلل في لباس الحزن وعموله
ميادين الفروسية مصيبتها كبيرة حيل
على فقد الأمير الفارس اللي يكسب الطوله
سباق العالمية من يجيبه يوم غاب سهيل
شعار الحرب واللي يملكه في فعله وقوله
فقدتي ياخيول العز ابوفيصل مثال الجيل
كريم النفس محمود السجايا لكل من حوله
وفي شامخ فارس وفي يمناه عدل الميل
ميادين المعزة له عليها صولة وجوله
طلبتك ياكريم قدرك التكبير والتهليل
عساه بجنبه الفردوس في مثواه ونزوله
