التكاتف والتواصل سنة الله في عباده
والزيارة واجبه للمسلمين بحسن نيه
والحظيظ اللي حفظ دينه وواصل في جهاده
الفرايض والسنن في حفظها عروه قويّه
والفوايد من زرع لابد يجني من حصاده
من يقدم من فعول الخير يا كلها هنيّه
والمكارم ما تقدم كود في صبر وجلاده
في عزوم اهل الوفاء واهل الفعول الحاتميّه
والمعرفه للرجال اللي بهم عز وسناده
الرجال اهل الكرم والمجد واهل المقدريّه
والتجارة عرفة رجال الوفاء والطيب عاده
عادة للطيّب اللي حطها الله له سجيّه
والمكارم من قديمات الليالي والشهاده
الشهاده طيب حاتم يوم دور الجاهليّه
