يا حبيبي لعينك نبذل المستحيل
مقصدي هو رضاكم ياعيون المهاه
نرخص العمر لأجلك ما ندور بديل
الغدر والخيانة خافقي ما نواه
مغرم في هواكم مير مابه حصيل
ما حصل كود جرح ولا لقينا دواه
كل ما أقرب زيادة شفت دربك طويل
وكل ما قلت بصبر طال صبري مداه
المسافة بعيدة والمواصل قليل
والمحبة تلوع والعواذل وراه
والله اني أشوفه مثل نجمة سهيل
بس ما أقدر أطوله والسماء اللي حماه
غالياً ويتغلى شاف شكله جميل
وقام يفخر بزينة يوم ربي عطاه
