والله ما مليت.. لكن تململت
مثل الذي توّه صحا من منامه
وناديت وينك.. ردّْ لي ليه طوّلت
وردّ الصدى لي يا دموع الندامة
كلمة عتب.. مدري انا غيرها اش قلت
حتى تجازيني بصد وملامه
كبّرتها بالحيل ليتك تمهلت
صارت غيوم وهي بالاول غمامه
لو شفت حالي عقب هجرك تهوّلت
تعال طيّب خاطري بابتسامه
انا على عهدي معك ما تحوّلت
ارجع تصير النار برد وسلامه
البارحة من حرما بي تخيلت
جرحي غصن زيتون وا أنتي الحمامه
وناظرت يمك من بعيد وتمثلت
وجهك وقلبي ممتلي بالملامه
وجريت ونّه من خفا روحي وقلت
يا ليت ليّ عيون زرقا اليمامه
