هلا برجل الأمن باني صروحه
هلا يا امير بالمكارم عرفناه
هلا بمن بالمجد زاد برجوحه
هلا بمن نسعد بشوفة محياه
هلا بمن كنه على الشعب دوحه
من حده القيض وسمومه تنصاه
هلا بشهم ما يجاري طموحه
واليا عطا يسخي جزيلة عطاياه
ماجور يا شيخ بعيده شبوحه
لا باس يا متعب على الطيب رجلاه
يا باذل دمه وفكره وروحه
في خدمة الاسلام يخدم قضاياه
يا مسهر عينه يتابع سروحه
ولاجل الوطن محفي سمارى مطاياه
هذاك نايف فالليال الشحوحه
غيث يعم الارض واليابس احياه
هداج تيما ما يغيض نزوحه
كل الورود تعود ما غيضوا ماه
فيه الشجاعة والسخاء والسموحه
وحسن التصرف والوفاء من مزاياه
فيه الدهاء والحلم ميزة نجوحه
ما كل مخطي ياخذه في خطاياه
وسره لغير اهل الثقة ما يبوحه
وتطبيق نص الشرع هو ساس مبداه
حيدٍ تعلا واعتلى عن سفوحه
نايف سمي اللي من الصعب مرقاه
يا طيب وقفاته ويا بعد شوحه
نايف صليب الرأي من يلحق خطاه
غير الصراحة فالحوار ووضوحه
ما صك بابه كل من جاه يلقاه
كم من جريح جاه ضمد جروحه
وكم من فقير اغنته مد يمناه
وكم من سجين عفوه أطلق سروحه
وكم من يتيم يكفله لاعدمناه
وكم من حزين يبتسم عقب نوحه
وكم سيدي مشروع خيري تبناه
الشعر لو زانت قوافي قروحه
يشيب قافه ما اكتمل فيه معناه
ولو جيت اولف عنه لوحه ولوحه
جف القلم فعل أبيض الوجه ما احصاه
نايف امير الأمن باني صروحه
يا الله عسى كل العوارض تعداه
