يااللي طلبك من المنى بس حره
بيني وبينك سامك العرش يقهرك
تبي عليها بس صوتك تجره
سلط عليك غليم ول ما اقشرك
وتاخذ على كوره من العظم كره
حذراك يا دغيم ترى التتن ينحرك
لا تشربه واحذر بردنك تصره
اللي عزاني يافتى الجود صبرك
ما تطلب اللي مثل عود المدره
تفتن طواريد الهوى وانت تسحرك
وبيت كبير من زماله يمره
مشتوح كسره والمسايير تنحرك
وذود كثير مثل نجوم المجره
متخالفات عيالهن وسطهن برك
وبنت العبيه من حليبه تبره
ومشنشل عود البلنزا على ابهرك
ولا تطلب اللي لا حضر يوم شره
ربع ليا جت ساعة الضيق تنصرك
ربك ليامنه نوا لك مضره
لو كنت في روس الشواهيق حدرك
وربك ليا منه نوا لك مسره
حدر عليك سلوك الأسباب واظهرك
