يازبن والله راح عنّا صديقي
الروحه اللّي مابعدها رجوعي
نعم الصديق اللّي طريقه طريقي
منها جنا وسلوكنا الطبوعي
عبدالله السلوم نعم الرفيقي
بالضيق والاّ اليسر واجد ربوعي
كنه على ماراد قلبي يويقي
وكنّي على ماراد تسمع سموعي
دايم على شوفي ولوه شفيقي
وانا على شوفه شفوقٍ ولوعي
عن ربع قرن اتزيد رفقة رفيقي
رفقة وفا ماقد دخلها صدوعي
ياما تنادمنا بسر دقيقي
كل ترى مركاه هو راس كوعي
للشيمه العليا ننام ونفيقي
وبالدين لله مكثرين الركوعي
ومن بيننا عهد متين وثيقي
ان الوفا ماعنه يوم نتوعي
وحقه علي اليوم حق حقيقي
لابناه واخوانه وفا مايموعي
وارجي عسى ربي يغيث الغريقي
يحط له بالخلد دار ومتوعي
