الطيب يبكي يقول بصوت محزوني
من موت عبدالله السلوم عزوني
فقدت من عقبه الترحيب والسمره
غديت بين العرب ضايع وممهوني
النادر اللي بكاه بعيد وقريّب
ماهوب أنا اللي بكيته لا تلوموني
يبكي عليه الكرم والطيب والصحبة
ويبكي عليه الشعر نثره وموزوني
عمره قصير قضاه بدين وريادة
ما ضيعه بالعبث والشين والدوني
ياشيخ لو شفت كثر اللي يحبونك
ماهي محبة رياء..! والكل يدروني
حبٍ لأجل طيبنك ياشيخ عبدالله
والموت يظهر غلاً في القلب مدفوني
ياموت وين انت عن ضيم خلق الله
اترك لنا اللي إلى قالوا يطولوني
مرحوم يا من جمع المجد باطرافه
لعل منزالك بجنات وعيوني
أنا اشهد أنا فقدنا خير غالي
والله فلا ينّسى وانتم تعرفوني
