في سؤالك شي ماهو في السؤال
ما أظنك يا حبيبي تجهله
وفي كلامك صمت وحروف وجدال
ما يهمك لو تطول الأسئلة
وش تغير فيك يا عذب الدلال
كل ما بك مختلف عن أوّله
كنت في حال وتبدل فيك حال
بس طبعك ليه ما تستبدله
مشغلٍ بالي وعايش في خيال
وأي حلم بغير ليلك تقتله
يا حبيبي جيت ما قصدك وصال
والله أدري شاللي ودّك توصله
إيه أحبك والهوى صعب المنال
وانت عارف لوعتي والمشكله
زاد حسنك وانت رائع في الجمال
لكن اللي ينقصك زود الوله
