أنا ما قلت لك من بارد زلال القصايد عل
تروى من قصيدي لا يمرك بيت وتزله
تسهد في خياله ياخياله يا خفيف الظل
تجود في عنانه لا تهده وأنت كفو له
تشرق به تغرب به خوي ما يعرف الذل
على كيفك خويٍ ما يعرف الهون والذله
ليا منك نطقته من شفاهك ينتثر لك فل
وليا منك زهمته بالشدايد يا سعك ظله
الا يا شمعة سنيني هواي وبلسم المنعل
ألا يا فوح قلبي من بعادك فوحة الدله
ألا يا قو عزمي والليالي رمحها لاتل
معاليق الضماير جيت لك بعروف منتله
ابيك تضمي جروحي ابيك تحس به يا خل
ابي عقد عقدته من يديك تقوم وتحله
أنا يا صاحبي لامن ذكرتك كل طار حل
تنطحت السواد ودمع عيني ينتثر كله
ولا بيدي سوى شعر على بيض الصحايف هل
ألملم به شتاتي واستعينه يبري العله
أبي لامن لفا لك من زلاله يا حبيب تعل
تروى من حروفه لا يمرك حرف وتزله
