اليوم عيني ما تحقق الازاويل
خطيرة من قوله واعماها
وعلم لفاني حط قلبي بهاديل
وعيني تشادي شنة ضاع ماها
وغديت كني من حساب المهابيل
امشي ورجلي ما تسنع خطاها
او صرت مثل موده الرجم بالليل
ذلول خطاره غدت مالقاها
ولوا هني اللي صبور على الميل
وما همه الا حرمته وش عشاها
وانا همومي متعبين المراميل
اللي يجزون النحير عقداها
لا قال صياح الطرف ياهل الخيل
كل تغشلا سابقه واعتلاها
وان قيل وديان المهنا بهن سيل
تجيه سلفان طوال خطاها
متعاقب نوارها بالهذاليل
حامينها من ضدهم مارعاها
