اهتز هاجس شعري وجاب الأمثال
وأخذ مع القيفان جولة وصوله
واللي دعاه يجيب الأمثال فالحال
جولة ولي العهد والشعب حوله
صلى صلاته واحتسب طيب الفال
وأصدر قراره قال ياعيال جوله
وقف بنفسه ما اكتفى ببعض الأقوال
وأرضى ضميره رغم كايد احموله
يبغى الأجر من ربه الواحد العال
فردٍ جميع المسلمين إسجدوله
وأنا عقب شفت الحدث هاجسي جال
توافدن شرد القوافي عجوله
حرَّكني المشهد مثل كل رجّال
يا سيدي فعلك هذا من بطوله
فعلك هذا خلّى الدول منك تهتال
تناقلت بثه ثمانين دوله
استغربوا جم التواضع من الوال
تواضعك شافوه ثم صفقوله
وحنا ما نستغرب تعودنّا الأفعال
من فضل دولتنا المشاعر خجوله
قصور قادتنا على طول مدهال
محتاجهم ياصل لهم بالسهوله
وأقرب مثل لاجيت أبا أضرب للأمثال
قصرك يابو متعب وناسٍ عنوله
يا سيدي من مثلكم ضم الأطفال
وأخذ بيد من وصل سن الكهوله
وأنفق على المحتاج ماهمّه المال
وأودع جميع المشكلات محلوله
وأرجع وأقول الجولة اللي على البال
تجسّدت فيها معان البطوله
فعلك هذا ما يفعله غير الأبطال
فعلك هذا يازين ساعة حلوله
ألجم جميع أفواه خبثين الأعمال
اللي هدفهم فالحياة العموله
المغرضين اللي عن الحق مِيّال
كلٍ علينا قسام يشعب ذلوله
حطّوا قنواتٍ تضلل وتحتال
يبون شىٍ بس ماهم بحوله
حنا جسد واحد وفي كل الأحوال
أقوله وكل السعودي يقوله
دون الوطن بأرواحنا قبل الأموال
نفنى ولا تفنى معاني الرجوله
واللي دعا فكري يداعب للأمثال
الجولة اللي عن ثمانين جوله
