وش اللي جابك لدرب غموض الصمت يسري به
تجي وتغيب والرده لظاها بالحشى صالي
تجيني لحظه وترسم دروبٍ كلها غيبه
وفي غيبتك يالغالي رسمت جروح غربالي
انا ما بي مجية طيفٍ يقفي بي ويقف به
ولا ابي وصلك العاثر.. هذاني عايش لحالي
دخيل الله فارقني جعل دنياك في خيبه
اعيش أموت ما تفرق.. ولا ارقب سورك العالي
من انت الحين يا طيفٍ سباني في مطاليبه؟
تحسب انك ملكت القلب؟ ما مريت في بالي
تعال لباقي دموعك.. وقلبك كف تعذيبه
حريق يشتعل فيك أنت.. اطالع فيه يهنا لي
انا واقف على دربي ودربك أنت تمضي به
تموت فراق يا مقفي وبالفرقا انا سالي
