لأجل الهوى اهدي لك ورود وأزهار
وعساك يالمقصود تقبل هداياي
وأرسل مع الأزهار أبيات وأشعار
أرضي بها من لامني في سواياي
أنت الهوى أنت الغلا وفيك محتار
والله يعلم فيك وش هي نوياي
ترى المحبة مابها خوف وأعذار
والله أحبك حيل ياضي دنياي
ان طبت يالمحبوب لو صار ما صار
أطيب لك والحب هو داي.. ودواي
وأن بعتني يبقى لي الحب تذكار
هذا هو المقصد وهذي خفاياي
غنيت حبي بين عودي والأوتار
وأنت المخير بين قربي وفرقاي
حبيت أبين ماكوى القلب بالنار
وترى الألم والهم باقي بقاياي
