الجود طبعٍ في هل الجود مطبوع
والطبع يغلب فالرجال التطبع
كلٍ وله طبع وطبيعه ومشروع
الخير أله تبع .. وللشر تبع
دايم ترى الطيب مع الناس متبوع
مثل الحياء يذكر ودايم يتبع
لو الزمن يزمن على الصوع وللوع
جوده كما الينبوع دايم ينبع
وإليا تعزوا به من الناس مفجوع
سبعٍ وإلى منك نخيته يسبع
ولا الردي وصله مع الناس مقطوع
هيسٍ بفيروس الرخامه تشبع
أصعب عليه الجود من حبه الكوع
لو هو على عرش التجارة تربع
عسى البخيل يعيش بالفقر والجوع
وقبره عليه يصير «سنتي مربع»
