طير حوران عيّا لا يحوّل
كم دعيته ولكنه عصاني
من متوني على الراس يتجوّل
قلت مرتاح.. قال انسب مكاني
قلت وقتك ماهوب الوقت الاوّل
قال راحوا طويلين اليماني
قلت فال الله اطيب لا تفوّل
قال هذي مقادير الزماني
قلت ظلمتنا ياذا المهوّل
قال عاين فلان ابن الفلاني
ما اقتدى بالعمام ولا المخوّل
ضاع بين الدروب المودماني
قلت هرجك هذا كله مقوّل
قال انا ادرى بما ينطق لساني
صابني بالكلام اللي يهوّل
واوجع القلب من بين المحاني
حسبي الله عليه ان كان طوّل
ما توصلت معه لحل ثاني
