اشغلتني لاولالا لا ولا والف لا
باب الشعر نفتحه لجلك على مصرعه
البيت من شان عينك ينقظ ويفتلا
والله لا فرق مقر الشعر ثم أجمعه
وانزل بصدري عزيز وسمع المنزلا
يا غايباً لك سنة وانا انتظر مرجعه
فرشتك يا مرحبا ووسادتك يا هلا
والعب بقلبي على راحتك لو توجعه
ما دام مسكنك صدري يا عنود الفلا
شوف اسمك بوسط قلبي واضح مطبعه
انا عطيتك غلا ما فيه مثله غلا
لو عرضوه السما والأرض ماتسعه
ما عاد قدام عيني من جميع الملا
الا انت يا من شلعت القلب من موقعه
عيني وقلبي وروح وصدر فيه البلا
وشلون ما غليك وانت أغلى من الأربعه
ما عاد لي منك لا مخرج ولا مدخلا
بحت الك بالسر تم الوصل والا اقطعه
