بيض القصايد علامك صوت تجهلها
تدور الكلمة اللي تبعدك عني
ماكنك اليوم يالغالي من اهلها
تحسس السود فبيوتٍ تمثلني
بلاش من هالقصايد دام تجهلها
يا صاحبي قلتها واسمع بعد مني
الساحة اللي تخايلني واخايلها
ينعاف جمهورها وان خيبت ظني
اباخذ افكار رأسي واتناقلها
حدودها وحدتي والهم لاشغلني
ماعاد تقرأ بيوتي والشقاة لها
عيش الحياة بسعادة لا تبلشني
عطيتك العلم وانته لاتطولها
دخيل رمشك حبيبي لاتهملني
غلطتك هذي فأنا منك متقبلها
ياوسع صدري عليك وياكثر حني!
