ماعشت مرتاحٍ مادام انت مرتاح
ودي عيونك تسهر الليل مثلي
ياما شقت عيني بسهرها للاصباح
وانتا تنام الليل ماهوب عدلي
كاسٍ شربته لازم أسقيك يا صاح
من نفس كاسك لأجل عينك تهلّي
حتى تعيش الجرح في وسط الافراح
وتحس في جرحي إلا صرت مبلي
لا ترتجيني وجرحك اليوم ماراح
جرّبتها قبلك وجرّب محلي
مابي زمانٍ فات يكفيني جراح
ويكفيك من غيري عذابٍ حصل لي
أنا اعتبرتك هم عن قلبي انزاح
وانت بحياتك عش.. لا تلتفت لي
