رجلك من الباس يا أبو نايف مجاره
عساك ما عاد عقب اليوم تشكيها
رجلٍ قصيراتٍ خطاها عن الجاره
لا عسعس الليل والا غاب واليها
ولا بدرب الوفاء والجود جباره
تحمد على الطيب والجودا مساعيها
يا من ال ربعه سند بالضيق وتجاره
لاجت ليال الدهر عوجٍ مباديها
كلٍ على واجبه عنده ومقداره
لو الليالي تبذ اللي يناحيها
الطيب من شيمته والطاله شعاره
والمرجله بالقساء واللين حاسيها
الضيف يلقى الشحم والكيف وبهاره
واللي يبا حاجةٍ لا جاه يبديها
عبد الله اللي يفل حجاج من زاره
اللي علومه ينومس كل طاريها
اماري بطيبه وفعله وبأذكاره
والناس من دون واجبها وعانيها
من جاد ما ينجحد فعله ولا كاره
كل الحمايل تعد وحقها فيها
وانا افتخر في وفاء من طالت اشباره
وافعال ربعي على الطاله ترهيها
واسلم يا أبو نائف من الباس واخطاره
وتطيب رجلك براي وشان باريها
