يا طارد المقفي تراك أنت غلطان
طرد المقفي عنك أكبر خسارة
لا صار قلبه قاسيا ما بعد لان
خله بدربه ماشي في مساره
واصبر كما يصبر على الريق عطشان
وابعد ولا تبقى برجوا انتظاره
حب بليا عطف راعيه ندمان
يندم على حظه وسوء اختياره
بعد اللقاء والقرب بيذوق حرمان
ويذوق عذبات الليالي مراره
عليك بالي يم شوفتك ولهان
اللي عطاك الحب بأقصى اعتباره
لاغبت عنه لحظة صار شفقان
وتحس في نبرة كلامه حراره
الحب ما هي كلمة قالها لسان
تنطق بليل وتنسى في نهاره
لا بد ما يحصل مع الحب برهان
كل يقدم كل ما في اقتداره
