علموني ويش معنى يوم جيت
شايلن بالقلب شوقي والأمانه
هي وفا ولى عشاني ما قويت
احتمل فرقى الحبايب والخيانه
يا سراب الحب لا عشت وبقيت
لو تبعك.. العمر.. ما تعطي ضمانه
استويت من الليالي.. استويت
وفاقد الشي ان عطى يخسر رهانه
غشني بالورد يوم اني هويت
وضحكته كانت عجيبة في زمانه
وسرت في دربٍ طويل وما لقيت
غير حلمٍ يفرض الواقع مكانه
غلطتي ضيعت عمري ما دريت
وغلطته ما حس في جرحه وادانه
لا تلوموني تراني وان حكيت
عاشق ما قدر الاحباب شانه
يا كثر ما جيت ابشكي واستحيت
خفت انا من واحد يوذي لسانه
