يا شوق عاملتك على حسب مبداي
كنت أحسب ان الطيب يثمر بعينك
غلطان وأدري.. واعترف مخطي الراي
كبوة حصان وقام منها يعينك
غلطة عمر.. مرت على أفراح فرقاي
حققتها من قبل ما أقول وينك
وسريت منها ما اعرف وين مسراي
اللي اعرف.. اني موادع سنينك
على الوفا ساري.. سليمة نواياي
ما ارضى سواليف الاماني تهينك
من قبل ما تكثر بعيني خطاياي
يا ناكر سنين الوفا كيف أدينك
أشبهك بأيام عمري بدنياي
متلونه بألوان زيفك وزينك
استاهل أكثر والعمر عمري الجاي
مانيب طفلٍ لعبته في يدينك
دام الفراق برغبة رضاك ورضاي
ما عاد باقي شيء بيني وبينك
