سقا الله روضة التنهات روضة كاسب الطولات
بسيل في عروض العرق الاعلى بانت حدوده
سقا الله روضة فيها نبت خير بلا منات
سقاها خالق الدنيا بسيل بان مردوده
سقاك الله ياعزي سقاك من النما جولات
سقاك الله يا شوقي بطيب المزن ورعوده
ألا يا سائل عنهم هذولا للعدو علات
هذولا البلسم الشافي لأسيراً دميت قيوده
ورثنا الراية العظمى مورثها أبد ما مات
دعانا.. للصبر نادى ترانا نعلن العوده
وتمم وعده وخلاّ بلدنا للزهر منبات
وسلم راية الانجاز أسود قويت زنوده
وطنا وحده صقر جناحه للملا فيات
تظل يا قصير الشيخ كف الجود ممدوده
أبونا وافي بوعده أبونا عالي الرايات
وقصر للوفا راسي وله عمدان مشدوده
أبو فيصل صدق عزمه وزود للحرم ساحات
ملكنا رايته بيضا ملكنا تصدق وعوده
فديتك ياوطن غالي.. فديت مسامح الزلات
فديت اللي حما شعبه.. فزع للجار بجنوده
ربيع الارض له معنى وكنز الارض له أوقات
يبين لاسقاه السيل.. لو أوقات محدوده
ربيعك يا وطن جنة وحنا نطلب الجنات
ربيعك غنت طيوره وجادت بأعذب انشوده
ربيعك يا وطن عشقي أنابه رافع الهامات
ترى حب الوطن يروي وبيره تكثر وروده
أسيرة حب أوطاني كتبت بعشقها أبيات
أبوي القائد الأعلى عرفت العز بوجوده
