يا عين لو تسهرين الليل معذوره
محداً يذوق العذاب اللي تذوقينه
يا عين شوفي القمر هو خافتٍ نوره
ولا نعميتي ولا صرتي تشوفينه
يا عين والنفس منهية وماموره
ابكي ولا يمنعك همٍ تحسينه
يا عين اقري من القرآن لك سوره
يمكن يخف العذاب اللي تحسينه
يا عين يكفيك هم الوقت وشروره
ربٍ تكفل بعيدة لا تناسينه
يا عين هذا الكتاب وهاذي اسطورة
واللي انكتب لك من الرحمن ترضينه
يا عين منتي على الخلان مجبورة
من راح يا عين ومعك لا تهلينه
يا عين هاذي سلوم الود محظورة
اصغر جريمة تذل الرجل وتهينه
يا عين خلي بقايا الأمر مستوره
من راح يا عين حذرا لا ترجينه
