خيّبت ظني يوم احسبك تغيّرت
واثر المشاعر باقية مثل ما هي
ما غير أنا اللي في ظنوني تحيّرت
صدّقت عذر كان بالشك واهي
أدري خذتني فيك الأوهام وأبحرت
وجتني رياح الوقت عكس اتجاهي
لكن عزاي أني أودّك وكابرت
يومي أمرت القلب والقلب ناهي
لا ما خبرتك بالوفا يوم قصّرت
لكن حسبت غيابك غياب لاهي
وأثرك بظني فيك أبد ما تأثرت
لا شك تفكيرك عن الظن ساهي
ما عاد يمدي خاطري لو تعذَّرت
عن ما حصل في غفلتي وانتباهي
يبن الظنون وبين فكري تبعثرت
لا هو فهم صدق المشاعر.. ولا هي
