1لا تسألوني.. ما بقى للفرح نور
في ناظري رحال ويني ووينه
طبعي كذا في داخل الهم مقبور
حزني يداعب خاطري في يدينه
عهد الحزن فيني من سنين وشهور
أيام صعبة والليالي مشينه
ياما عطاني قاسي الوقت مشكور
ظلم الزمان وحرقته في سنينه
أصبح مع النسيان وابني له قصور
وانثر عبير الهم مع ياسمينه
أنا كساني ضيم الأقدار مجبور
دمعة ألم تنساح تسبق حنينه
هذا زماني مظلم فيه مكسور
الخاطر المجروح روحه حزينة
حظي ظلمني والقضية بها زور
وشهود حزني صرختي مع أنينه
لا تسألوني.. ما بقى للفرح نور
يكفي ويكفي لا تقولون وينه!!
