يالله ياللي تجازي العبد باعماله
تغفر ذنوب موهني ثقلهنه
شفت العريني حزين وضايق باله
من شان فقد الرفيق اللي على ظنه
اللي الى قربه للحمل يشتاله
ما قال صبرك على اظنه اظنه
اول اذا جاز لزومه كز مرساله
واليوم كل الرسايل ما يطولنه
بينه وبينه لحود القبر منهاله
عله في ملة ابراهيم والسنة
عبدالله محمد حميدان يدعى له
يالله عسى منزله في عالي الجنه
يالله عسى جنة الفردوس منزاله
حقه من الحور في عرسه يزفنه
عسى العوض فيه يظهر لك من اشباله
قرم ادروب الرجاله ما يطوفنه
ياقف مثل ما قفه ويمثل اعماله
وليا عطى من حلاله ما ألحقه منه
يابو مشاري ترى الايام ختاله
كم واحد ضحكنه ثم بكنه
كم واحدٍ راح قبل يقضي اشغاله
عنده مشاريع جباره تركهنه
الاجل وافاه قبل يودع عياله
حتى وصاياه روّح ما كتبهنه
وصلوا على الصادق المصدوق بأقواله
محمد نبي الهدى والشرع والسنة
