رعاك... الله يا شبل.. بذلت الجاه.. هو والمال
لمنهو جاك يشكي حالته.. ما تبخل أيدينك
تقدر ذا .. وترحم ذا.. وتعطي ذا ...دوام الحال
معا زود.. الزمن ..يزداد .. طيبك والله يعينك
دفعت ركاب.. عزك.. للشهامة .. والليال.. طوال
وعلى أشهر علم نوخت الركاب وذي عناوينك
تحشم الشايب.. اللي فاتت سنينه وهو لازال
وعلى خشمك تقول.. أبشر وقدره في نظر عينك
تواضع من سمو نفسك وهذي ميزة الرجَّال
ورثت الطيب من .. فهد العرب .. يرفع موازينك
أبوك ليا شهر.. صوته.. وعلمه بالمحافل.. صال
صناديد الرجال.. بضيقها تحتاج له وينك
فهد وصف.. ومسمى والمصايب.. تشبه الزلزال
قضبها قال.. يا دار.. الفخر خابوا .. معادينك
فحل .. من هيبته تبرك.. فحول.. ماكتفها.. عقال
يقول.. لموطن.. النخوه .. تهني واعرضي زينك
ولا يطمع بك الطامع.. ولا يحتالك الحيِّال
وهو .. يدري .. بساعة.. وقفتي ما بينه وبينك
هذاك .. أبوك يا عبدالعزيز .. سلالة.. الأبطال
لبست المدح.. من طلعة صباك.. ليا آخر سنينك
الا يا شيخنا وجه السعد.. يا زايد المكيال
سناد.. المشتكين .. اللي من أقصى .. حد .. ناصينك
بذلت الجاه.. والمعروف.. والوقفات.. غير المال
بليا من .. تندى بالمكارم.. راحة أيدينك
