وش عاد لو قالوا خسرت المربّع
وش عاد لو قالوا وقالوا لك بعيد
كم من بطولة وأنت فيها تربّع
كم كأس شلته بلحظة كنّها العيد
ما للبطولة ذوق أو لون يطبع
لون السما لونك وضوّك لها يقيد
الله معك وبكل زين تطبع
تلعب ونطرب لك وبالفن تجديد
ولا لا يهمك لو خسرت خمس واربع
جلمود صخر تدفع الموج وتزيد
للعزم والإصرار يا هلال منبع
منك ارتوى سهل ووطى وعالي الحيد
خل نظرتك قدام ولا لا تتبع
علاقتك بالكاس مجد وتمجيد
انت الغني عن كل حرف ومطبع
وفيك الإدارة ترتقي دوم وتشيد
نرفع لك اليمنى وتشهد بالاصبع
إنك زعيم ولا تخون المواعيد
يا هلال لك مني تحيات تنبع
عن خافق يعشقك من دون تحديد
