كبير.. وصغرت دنيا نعيشه انسنا والجان
نحبه.. من غلا شأنه ومن مثله يكون انسان
رحل وقفى وما ندري متى نلحق عظيم الشان
دنا يومه وما لومه من اجرى بالدمع وديان
وبوي اليوم مالومه سرى طيفه يهل احزان
صديقه وانتهى يومه وصار برحمة المنان
صديقه وراحت علومه تنهد.. خاطره زعلان
دنوت امسح له همومه اطيب خاطره بيمان
سمعت الصوت من جوفه ينادي من بقى عنوان
يهيم القلب لم صوبه ويرضي خاطرن ولهان
ينادي ليتها شوفه ابرد بالحشا نيران
عسى روحي تضم روحه عساه بجنة الرحمن
وضم اليد.. لكفوفه سألني.. من بقى انسان
مضى هاليوم ما شوفه مضى مع باقي اخلان
مضى عني وما بقى من اللوعه سوى اشجان
ابوي اصبر عسى تلقى جزى صبرك يكون حنان
عسى نفسك تبين اتقى وتبعد بالصبر هجران
اقوله.. ونقطع قلبي وشبت لوعته نيران
اقوله وابتسم صبري يسلي بالخفوق انسان
بدا يبكي.. وما يدري متى يمضي به السلوان
وتهل العين من بدري دموعن يمسحه نسيان
ومهما عمرنا يجري ترى من طبعنا النسيان.
