قتلتوا الناس وأهل البيت من دونه
وأزهقتوا البعض لاظالم ولاجاني
شوهت سمعة هلك واللي تعرفونه
فشلت كل الجماعه وأنت قوماني
يا خايناً ديرته وأهله وماعونه
هذا الجزاء للوفاء جحدٍ ونكراني
هذي جزات الوطن ترميه وتخونه
يبغاك عونه وصرت اليوم خواني
مثل الخفافيش شغل الدس تمشونه
على المساكين صاير ذيب جوعاني
تقول مسلم ببيد الكفر وعيونه
وأنت الأصل في الكفر وبدون وجداني
تخسون إسلامنا ما هو بذا لونه
ما هو بتخريب أو تفجير بنياني
تخسون إسلامنا لا ما تعرفونه
ما يقتل الناس ويخرب با الأوطاني
إسلامنا بالوفاء والطيب تلقونه
فيه الكرم والتسامح دوم عنواني
إسلامنا ينبذ الاحقاد وضغونه
ينبذ فعولاً تخالف شرع رباني
إسلامنا يا حثاله ما تمسونه
أمثالكم ما يجي لاسلامنا أعواني
أمن البلد يا شراذم ما تضرونه
شعب متماسك على التوحيد وأخواني
مهما تسوون لا يمكن تهزونه
متوارثين التكاتف ورث جداني
أفعالكم واضحه والعار تجنونه
والدين والحق منتوا فيه شجعاني
عصابةً مجرمة الحق تنسونه
والمجتمع من فعول الحقد براني
عصابة خايبه بفكار مجنونه
أفكار شيطان كله حقد وجناني
ملعونة اليوم ويوم الدين ملعونه
كلاً على قد فعله لازم يعاني
يوم القيامه جهنم لازم تجونه
تردون حوضه الأول يتبعه ثاني
يوماً عبوساً عليكم لو تشوفونه
يوماً تبرى البشر من كل الأعواني
ثم خل من غررك ينفعك بلحونه
ينجيك من نار رباً ما لها حاني
