إن كان قصدك من تغليك هجران
لا تشقي إلى صادقٍ في معزتك
ما بجبرك توفي معي وإنت ندمان
مهما حصل منك عزيزه مكانتك
بذكر زمانٍ كنت لي فيه ولهان؟
يومين والثالث إذا صار غيبتك
واليوم تتركني مع الوقت حيران
ابكي ظروف جابتك لي ولآ ابقتك؟
لا تحسب إني مرسل الخط من شان
يحن لي قلبك وتذكر جريحتك
لا والذي سوا من الطين إنسان
كتبت لك من شان «تنسى ضحيتك»
والا أنا باحاول أتجاهل أحيان
واحبس دموع العين وأطوي بصفحتك
والي أكيد انه صعب حيل نسيان
من كان لك روحك وقلبك وغايتك
