خانت الأيام شخص ما يخون
ولا هقيت أنه كذا طبع الزمن
ولا دريت أن السبب ضحك السنون
لا أقبلت تضحك ولا غبنا طفن
كيف أبا اصبر أبا اعيش مغبون
كيف أدافع طالما الحظ اندفن
العبت فينا الليال تصدقون
لعب ذعذاع الهبايب بالغصن
والنكد توه نزف جرح الطعون
غير الأول خمسة البارح لفن
السهر غير السهر كلش يهون
آه ما يستقبل النوم الجفن
والنتيجة خيبت كل الظنون
ما بقا الا في النظر دمعة حزن
بس ليه أشكي وأحسب للديون
ورأس مالي تالي الدنيا كفن
ذي بداية والنهاية وش تكون
هو يزول الهم عني! ما أظن
