مقصر في سؤالك وانت غالي
ولو مانيب احبك ما ابالي
عسى ما شر في غيابك علينا
زعل ولا مع الأيام سالي
توقعتك على بعدي تشوق
مثل ما اشتاق لك قلبي وبالي
ظروف الوقت مهما شاغلتنا
ترى المفروض ما ننسى الوصالي
ترى بعض التغلي فيه قسوه
على قلبٍ بحبه لك مثالي
مقصر يالحبيب ويوم شفتك
نسيت من الفرح همَّ الليالي
ترى قلوب الحبايب ما تغيّر
ولو فيها الزعل اثر وطالي
وانا ما يوم قصرت سؤالك
ولكنك مقصِّر في سؤالي
