تحت جناح الليل والقلب مشتان
شد الفرح والحزن بنى خيامه
وسط الضماير واصبح الطرف سهران
ومن فيه عله ما يولف منامه
ترمي سهوم الموت والروح نيشان
ما حاصل فكه ولا من سلامه
حل القضا مافيه وش صار وش كان
ماحد بها الدنيا عرف وش مقامه
الله يرزقنا مع الصبر الايمان
بالحق والرجال يازن كلامه
عزيت نفسي والحمين هل الشان
بسعود راع المعرفة والشهامه
رمز الوفاء والمعرفه طير حوران
يملك رياجيل الوفاء باحترامه
ابو هلا يفرح ليا شاف ضيفان
فرحة دريك شاف وبل الغمامه
ايكثر الترحيب من قلب ولسان
بالضيف والطيب عدة الملامه
عرفو هل الدمام في كل الاوطان
نعم الرجال اهل الوفا والكرامه
بنو مضيف وذكرهم بالكرم بان
بكد الشمال ونجد واقصى تهامه
قلت الحقايق دون زود ونقصان
ذا مبتدأ قولي وهذا ختامه
يالله يا منشي ثقيلات الامزان
اغفر ذنوبه قبل يوم القيامة
