كان زمان.. فيه لاعب فنان.. للجماهير ولهان.. وكل همه ان الجمهور يطلع فرحان.. إذا فريقه انهزم تلقاه زعلان.. ولا يبي يكلم انسان.. وإذا تعادل يجلس حيران.. راسه يوجعه وتعبان.. يبي الفوز أمام أي فريق كائن ما كان..
ماله مطالب أو فلوس.. طول وقته بالنادي محبوس.. برنامج منظم ومدروس.. وتمارينه فن ودروس.. أخلاق عالية وطيبة نفوس.. والنتيجة بطولات وكؤوس.. فن وابداع بالملعب ينتثر.. للبطولات والألقاب دايم محتكر.. وإذا تكلم عن غيره لا يمكن يحتقر.. وإذا انهزم ما يزبد ويستشر.. للفن والمهارة دايم يبتكر.. هاللاعب مين يا ترى تقدر تفتكر؟
لاعب مشهور ومحبوب.. للجماهير دايم مطلوب.. يعرف ان الكورة غالب ومغلوب.. ما هي صراعات وحروب.. ويعرف أن اللعب النظيف مرغوب..
ما ودي أثقل عليكم.. هاللاعب الفذ اللي اشتقناله كلنا هو:
* صالح النعيمة
* ماجد عبدالله
واحد دفاع وواحد هجوم.. أي واحد غيرهم ما له لزوم.. هالاثنين كانوا في مصاف النجوم.. في وقتهم الجمهور ما له هموم.. مستوى وأخلاق ونجومية تدوم.. بس حبيت نذكرهم وهذي هي العلوم.
فهد السعد-الرياض
| 
