جيت أسوق الشعر يمك لاجل أبين لك غلاك
مالقيت اللي يجمل حضرتك لو كلمتين
كنت أظن أني ملكته لين شفته ما قواك
ريت يبغى والقوافي لاخذلت فكر الذهين
كنت أظن لحالي من تعثر في حلاك
لين شفت الناس حولك مالها غير الونين
قلت أجي من كل عالي كني اللي ما بغاك
ملاقيت إلا خضوع يكسر ضلوع السنين
آه يا عجز الهواوي ما ملكت إلا مساك
أسهره وحدي وأخايل جيتك في كل حين
لانخيت العين لت تنظر لفوق ووراك
عاجزه حتى عيوني تظهر الحب الدفين
البلا حتى السوالف افتقدها في لقاك
ون تطورت بكلامي قمت أشر باليدين
السؤال اللي جرحني ليه أنا خايف هواك
والجواب اللي ذبحني انك لوصلي تعين
أدري انك تهتويني لكن الله قد بلاك
في حبيبٍ لو سألته جمع لك كلمتين
