أبا كتب قصيدي فيك واعلن غلاك اعلان
واسميك ليلى الشعر والشعر مجنونك
وابشرح غرامك في رضايه وأنا زعلان
وكل الحواجز جعلها فدوة عيونك
إني والله أحبك حب ما قد حصل لانسان
يفوق الخيال وكل ما تحوي ظنونك
تجاوز غرامك واقع الصمت والنسيان
أحبك وأحب أرضك وناسٍ يحبونك
تنقاد المشاعر معك يا قايد الغزلان
مثل ما يقود الليل الاسود على متونك
بغيت أخفي اللي في ضميري ولكن بان
تبي الصدق والله ما قدر أعيش من دونك
