يقول من راحت حياته خساير
والروح يا روحي تزايد عناها
الله من همٍ ّعلى القلب حاير
نارٍ تواقد في ضلوعي لظاها
والعين هلّت دمعها بالعباير
واخاف من دمعي يسبب عماها
قد صرت انا ما بين ناصح وشاير
والشور شينٍ للعيون وبلاها
دارت عليها عقب شوف الدواير
ولا بيّحت مكنونها من خفاها
واليوم صار الحظ مقفي وباير
والنفس عجزت ما تلاقي دواها
عزومي اللي من همومي كساير
تكسرت من همها اللي كواها
لو جبّرت لا ما تفيد الجباير
جبايرٍ ضلعي ترى ما قواها
