لا هنت ياشيخ شكا فقد الأحباب
ما احد يلومك في فراق الضنيني
ترثي ويرثيه القرايب والاجناب
شيخ كسب طيبه بمد اليميني
شيخ تعلا بالكرم راس مرقاب
عوايده ذبح الخروف السميني
ملفى لمن هو يشكي الضيم منصاب
ضامه زمانه مالقى له عويني
مرحوم يامنصى النشامى والاقراب
له مجلس فيه النشامى قطيني
يا ناصر المنعور فكاك الانشاب
مواقفك وقت الشدايد تبيني
منتب جزوع وحكمة الله لها اسباب
واصبر ترى الجنه جزاء الصابريني
الله كتب كل المقادير بكتاب
وما للخلايق غير ربك يعيني
يالله عساه لجنة الخلد كساب
ويمد في عمرك سنين وسنيني
