لله درك يا محرر مدارات
ياللي جعلت لها مكانه وهيبه
رعيتها واعطيتها أوقات وأوقات
يا لين صارت للمتابع حبيبه
تميزت ما قلدت للمجلات
اللي هدفها فيه شكه وريبه
يا بو حمد صفحتك فيها دلالات
على ان مقصدها الشعر ترتقي به
وانته هدفك ألاحظه في الكتابات
هدفك ترحم شعرنا اللي اغدي به
وتعيده لعصره وهذيك الأبيات
الخالده باسماع ناس عريبه
اشكرك شكرٍ ما يعقبه ملامات
المخطية ما هيب مثل المصيبه
واشكر جميع العاملين بمدارات
من يبذل المجهود ربي يثيبه
