عطني سبب واحد لدمعة عيوني
وابكيك الى من غبت عن ناظر العين
لحظة وداعك عند قلبي تهوني
الشوق.. مر الشوق يوم انت تغلين
ما شفت من رجواك غير الطعوني
رميتني بالياس من قبل عامين
قلبك وروحك بالهوى وش عطوني
في رحلة العشاق من شان ترجين
حكم عليك الوقت بالبعد دوني
وهانت عليك أحلام وآمال قلبين
من طبعي انسي كل من هم نسوني
واعيش في دنياي.. مافات يكفين
تبي تشوف دموع عيني تخوني؟
يمكن ولكن بالفرح تدمع العين
