ذكرت خلي يوم مريت الأطلال
وشفت الرسوم وشفت فعل الليالي
شفت الروسم وشفت ما كدر البال
وهلن دموعي مثل وبل الخيالي
البيت باقي واهل البيت رحال
ولا أدري من اسأل بيت الأحباب خالي
عصر مضالي فالصبا مع هوى البال
واليوم كني فالجزيرة لحالي
حبي وحبك يا هوى البال لازال
لا تحسب انه يا منى الروح زالي
حبي وحبك يا الغضي ماله امثال
ولا لك مثيل يا شبيه الغزالي
يا عين حر مسكنه روس الأقذال
اللي تعلا فالطول العوالي
لا والذي نزل تبارك والانفال
انك عديل الروح يا رأس مالي
ليتك تكلمني وتشكي لي الحال
والا تجي وتشوف وشلون حالي
انا العليل وعلتي كيف تنزال
وأنت المرض يا زين وأنت الدوالي
