Al-jazirah

العقل.. والمنطق العقل.. والمنطق

تقول العرب: كلام الرجل مرآة عقله.. ويقول المثل الشعبي: «اسمع كلامك يعجبني اشوف افعالك اتعجّب»، كل هذه التداعيات ترامت الى ذهني وأنا اقرأ آخر بيت من هذه الرائعة الجديدة للأمير الشاعر خالد بن سلمان بن محمد وفيها ما يغني عن كل المقدمات من ثراء التجربة وعقلانية التصرف في بعض المواقف التي تسببها كلمة تندرج في سياق «رب كلمة قالت لصاحبها دعني»، واترك لكم الوقوف على الجمال اللفظي والحس الشعري الصادق في هذه القصيدة وكل قصيدة يكتبها سموه:

ترى ما يدبل الكبد الصحيحة يا هل التفكير

سوى كلمة خطا تجرح قليل العرف ينطقها

رصاصة طايشة من بندق ماهيب ترمي خير

تبندقها غشيمٍ ما وزنها يومه اطلقها

ترى بعض الكلام يمر لو هو يصعب التمرير

أكرّم عنه نفسي وانتبه لا شي يلحقها

وكلام يستحق ردود واللي بيصير يصير

الى جاله هدف واسلوب اجمّعها وأفرقها

وترى بعض الكلام صياح لكن ناقص التعبير

مثل شبّاك جاك الريح منها قم وغلّقها

وكلامٍ لو هو هويِّن الى من كثر له تأثير

مثل قاطور قربة واحد مبطي معلّقها

انا برّقت والى الناس فيهم يصعب التقرير

مغرّبها معيّي لا يوافق مع مشرّقها

وكم واحد حذف نفسه من لسانه بوسط البير

وغيره ناس مغويها تبي دربه وغرّقها

اشوف العقل فالمنطق يحقق منتهى التقدير

وكم أشيا صعيبات عقب ما قيل حققها

وكلام الرجل بالواجب يظهّر كامل التفسير

وله غاية وله نظمٍ ترابط فيه بحلقها

وطراة الحكي لي وافق فعولٍ ترفض التقصير

وأخيره حكمةٍ تبقى ولو يفنى موثّقها

خالد بن سلمان بن محمد آل سعود