نصيحتي لاهل الحلال المصاليح
اللي يبون الفايده للمواشي
هل البل اللي كسبهم هبة الريح
الوضح واللي لونها به غباشي
لا يسرحون ويبعدون المراويح
يردون من يروي كبودٍ عطاشي
جمٍّ يروّي مبعدات المشاويح
هتان وبله طاح والمزن ناشي
وجهٍ فليح ومن وجيهٍ مفاليح
سلطان أبو نايف نزيه المماشي
في مهرجانٍ فيه كسب ومرابيح
باطرف خبيب الريم بارضٍ هشاشي
وفي مزرعة نوفا دلال ومفاطيح
وجوايز تدفع على الفور كاشي
تكريم للبل ما يبي زود توضيح
من كف أبو نايف يجيها معاشي
وانا لحب ايضاح فعل الطحاطيح
قلت الكلام اللي تهيض بجاشي
قلته وأنا مالي مع البل مساريح
ولا ليّ لا ناقة ولا ليَّ حاشي
