يا لله يا لمعبود راع الفضايل
سبحان للي تسجد الخلق لرضاه
يا لله طلبتك من صدوق المخايل
على الجزيرة مبتدى الخير ممشاه
بأرض الجزيرة سيل ما له مثايل
نشوف النبات اللي تعطف بمجراه
نبتٍ من الوسمي تجيله دلايل
من حيث شوف النجم والسيل شفناه
نشوف النبات يزود والسيل سايل
لراح مزنٍ هل مزنٍ نثر ماه
نبتٍ تعطف زاد ما هو قلايل
الابل تضيع بوسط عشبه ومرعاه
يا لله يا لمعبود راع الفضايل
سبحان للي تسجد الخلق لرضاه
يا لله طلبتك من صدوق المخايل
على الجزيرة مبتدى الخير ممشاه
وصلوا على اللي خاتم الرسايل
محمد اللي يشبه النور بهداه
